टोकियो/जापान । पछिल्ला समयमा गैरआवासीय नेपाली संघ जापान तथा बर्तमान अध्यक्षसंग जोडिएर आएका विविध आर्थिक अपचलनका घटनाका कारण सम्पूर्ण कार्यसमितिसंगै संस्थाको गरिमा माथीनै प्रश्न उठेको भन्दै,कार्यसमितिका बहुमत पदाधिकारीहरुले एनआरएनए आईसिसि समक्ष निष्पक्ष छानबिनका लागि औपचारिक अनुरोध गरेका छन् ।

कार्यसमितिका वरिष्ठ उपाध्यक्ष देखि सदस्यसम्मका २२ जना पदाधिकारीहरुद्वारा हस्ताक्षर गरिएको निवेदन पत्रमा, एनआरएनए जापानका अध्यक्ष देबिलाल भण्डारीप्रति यतिखेर लागिरहेका आरोपहरु र त्यसका कारण संस्थाको छविमा परेको असरहरुको उल्लेख गर्दै, निष्पक्ष छानबिन गरि संस्थाको गरिमा जोगाउन आवश्यक पहल गर्नका लागि
आईसिसि अध्यक्ष, कुमार पन्तलाई सम्बोधन गरी अनुरोध गरिएको छ ।

जापानका लागि नेपाली राजदूत प्रतिभा राणा( नेपाली राजदूतावास),गोबिन्द श्रेष्ठ(डिआरसी एसिया क्षेत्र),पारसमणी पोखरेल (आरसी एसिया क्षेत्र),देबिलाल भण्डारी( एनआरएनए जापान)लाई बोधार्थ गरिएको निवेदनमा,लागेका आरोपहरुमा उच्चस्तरीय छानबिन समिति गठन गरि सत्य,तथ्य र निष्पक्ष छानबिन गरि स्पष्ट पारिदिन अनुरोध गरिएको छ । निवेदकहरुले भर्खरै मात्रै उच्चस्तरीय छानबीन समितिद्वारा बुझाईएको प्रतिवेदनले पनि प्रष्टरुपमा कसले, कहाँ के कति अपचलन गर्यो भन्ने स्पष्ट नपारेकाले अन्यौलता सिर्जना गरेको तर्फ पनि संकेत गरेका छन् ।

निवेदकहरुले आरोपित वर्तमान अध्यक्ष भण्डारीले नैतिकताको आधारमा राजिनमा दिई छानबिनका लागि मार्ग प्रसस्त गरिदिन अनुरोध पनि गरेका छन् । थप हेर्नुहोस् निवेदन जस्ताको तस्तै

निवेदक २२ जना मध्ये, सदस्य द्वय राजेश खनाल र सुरेश गिरीले भने यस अघिनै राजिनामा दिएको घोषणा गरेका थिए ।