टोकियो । कोभिड-१९ को विश्वभर फैलिरहेको महामारीमा केहि जित हासिल गरेको जापानमा पछिल्ला दिन विद्यालय तथा विश्वविद्यालयहरु केन्द्रित गरि बम बिस्फोट गराउने धम्कीका ईमेलहरु आउने गरेको जापानी संचार माध्यमहरुले जनाएका छन् ।

जापान, विश्वकै उच्च शान्ति सुरक्षा कायम भएको मुलुकको अग्रसुचीमा छ । यहाँ आतंककारी गतिविधि तथा विष्फोटक पदार्थको उपलब्धता दुवै हालसम्म सतहमा देखिएका छैनन् । तथापी पछिल्ला केहिदिन यता यस्ता धम्कीहरु आउने गरेका छन् । पछिल्लो जानकारी अनुसार कान्तो क्षेत्रका ७ वटा विद्यालयहरुमा बम बिस्फोट गराउने धम्मकी आएको छ । ईबाराकी प्रिफेक्चर शैक्षिक बोर्डले सोमबार जनाए अनुसार,ईबाराकी प्रिफेक्चरको युकि सहरमा रहेको युकि हाईस्कुस तथा उशिकु सहरको उशिकु हाईस्कुल सहित कान्तो क्षेत्रका ७ वटा विद्यालयहरमा बम हमलाको चेतवानी सहितको मेल आएको हो ।

सिटी अफिसको अफिसियल वेबसाइटको  सोधपुछ् ठेगानामा प्राप्त उक्त ईमेलमा -‘जुन ९ तारिख  बिहान १०:२७ बजे कान्तोका विद्यालयहरुमा धमका गराउनेछु ‘ यद्यपी ९ तारिख कुनैपनि स्थानमा त्यस्ता घटना भने घटेको छैन ।

प्रहरीले त्यि सबै विद्यालयहरुमा खोजी गर्दा कतैपनि, शंकास्पद वस्तु तथा गतिविधि नभेटिएको जनाएको छ । यस अघि टोकियोका केहि विश्वविद्यालयहरुमा पनि यस्तै धम्कि आएको थियो । यद्यपी कतैपनि अप्रिय घटना भने घटेको छैन ।

आखिर जापानमा, शैक्षिकक्षेत्रहरु लक्षित गरि यस्ता ईमेलहरु किन र कहाँबाट आईरहेको छ भन्ने यतिखेर सरोकारवालाहरुमा चासो र अनुसन्धानको विषय बनिरहेको छ ।

मंगलबार ३२३ जना नयाँ संक्रमित थपिए, सक्रमितको संख्या ४०८५ पुग्यो

मंगलबार टोकियोमा १२ जनामा कोरोना संक्रमण, संक्रमण घट्दोक्रममा(अपडेट)