टोकियो । जापानमा रहेका महिला दिदीबहिनीहरुको बढ्दो स्वास्थ्य समस्या न्युनिकरणमा एनआरएनए महिला फोरम जापानले पहल गर्ने भएको छ ।

जापानमा बढ्दो नेपालीहरुको संख्यासंगै स्वास्थ्य समस्याहरु पनि बढिरहेको छ, त्यसमा पनि महिला दिदीबहिनीहरुको समस्या अझ बिकराल  बन्दै गईरहेको अवस्थामा यो कार्यक्रम गर्न लागिएको  संयोजक सबिता श्रेष्ठले जानकारी दिनुभयो ।

एनआरएनए महिला फोरम जापानले जापान सरकारको वडाकार्यलयहरुबाट गरिने स्वास्थ्य जाँच र सुबिधा बारे जानकारी तथा परिवार नियोजन र गर्भपतनबारे जापानको नियम कानुन कस्तो छ त ? भन्ने जानकारी गराउने उद्देश्येले एक विशेष कार्यक्रमको आयोजना गर्न लागेको बताईएको छ ।  कार्यक्रम  आगमी जुलाई ८ तारिख आईतबार टोकियोको सिन्जुकु ह्याकुनिन च्यो -२-२० -२३,स्थित सोलमारी मुरा हलमा,  दिनको २ बजेदेखि साँझ ५ बजेसम्म हुनेछ । यो स्वास्थ्य परिक्षण गराउने कार्यक्रम नभई स्वास्थ्य सचेतना जगाउने जानकारी मुलक कार्यक्रम हो । साथै आफ्ना स्वास्थ्यसंग सम्बन्धित केहि जिज्ञासा भएमा पुर्व स्वास्थ्य परिक्षण रिपोर्ट लिएर जानकालागि अनुरोध गरिएको छ ।  सबै सामु व्यक्त गर्न नसकिने खालका स्त्रिरोग संग सम्बन्धित जिज्ञासाहरु भएमा गोप्यरुपमा सम्बन्धित विशेषज्ञसंग राख्न सकिने व्यवस्था पनि गरिएको बताईएको छ ।  कार्यक्रममा  नि :शुल्क सहभागी बन्न सकिनेछ ।

कार्यक्रममा, नेपालीहरुका लागि सुचना प्रवाह नेटवर्क(IDNJ) को पनि सहयोग रहेको जनाईएको छ । कार्यक्रममा-जापानी स्वास्थ्य विशेषज्ञहरुबाट महिला स्वास्थ्य र त्यसका लागि उपलब्ध सुबिधाको जानकारी तथा परिवार नियोजन र गर्भपतनको नियम कानुनबारे जानकारी गराईनेछ । कार्यक्रमका लागि सिन्जुकु वडाकार्यलय मातहातको सिन्जुकु हिगासी सिन्जु स्वास्थ्य सेन्टरको विशेषज्ञिय सहयोग रहेनेछ । साथै जापानी र नेपाली दोभाषेहरुको पनि व्यवस्था हुने भएकाले भाषा नबुझ्नेहरुका लागि पनि उपयुक्त रहेको जानकारी गराईएको छ ।

यस  कार्यक्रम, सबिता श्रेष्ठको संयोजकत्वमा गठित  एनआरएनए  जापानको महिला फोरमको आयोजनामा  हुने पहिलो कार्यक्रम हो ।  पहिलो भएता पनि भरपुर तयारीका साथ गरिएकाले नेपाली महिला दिदीबहिनीहरुको बढ्दो स्वास्थ्य समस्या न्युनिकरणकालागि महत्वपूर्ण भूमिका खेल्ने  अपेक्षा गरेको एनआरएनए जापानका  प्रवक्ता पर्शु बस्नेतले  जानकारी गराउनुभयो ।

कार्यक्रममा सहभागिता एवं अन्य जानकारीका लागि – (सबिता) 080 4946 6426 (संगिता) 090 4459 8559 र (सिर्जना) 080 6012 3739 मा सम्पर्क गर्न सकिनेछ ।


प्रतिक्रिया दिनुहोस्

सम्बन्धित समाचार