काठमाडौं । नेपाल एपिएफ क्लबले केएनपी राष्ट्रिय महिला भलिबल प्रतियोगिताको उपाधि जितेको छ ।
शुक्रबार भएको प्रतिस्पर्धात्मक खेलमा चिरपरिचित प्रतिद्धन्द्धी न्यु डायमण्ड एकेडेमीलाई ३–२ को प्रतिस्पर्धात्मक सेटमा पराजित गर्दै एपिएफले उपाधि रक्षा गरेको हो । त्रिपुरेश्वरस्थित राखेपको कभर्डहलमा भएको प्रतिस्पर्धात्मक र रोमाञ्चक बनेको फाइनल खेलमा शुरुवाती दुई सेट आफ्नो पक्षमा पार्दै एपिएफले उपाधि यात्रालाई बलियो बनाएको थियो । एपिएफले शुरुवाती दुई सेट एपिएफले २५–२२ र २५–१८ ले आफ्नो पक्षमा पारेको थियो । तर, त्यसपछि खेलमा फर्किएको डायमण्डले लगातार दुई सेट जित्दै खेललाई रोमाञ्चक मोडमा पु¥याएको थियो । डायमण्डले तेस्रो र चौथो सेट क्रमशः २५–१८ र २५–१८ ले जित्दै खेलाई दुई–दुईको बराबरीमा ल्याएको थियो । तर, निर्णायक सेटमा डायमण्ड चल्न नसक्दा एपिएफलाई १५–८ मा नतिजासहित उपाधि पनि सुम्पियो ।
जितपछि एएिफका प्रशिक्षक ज्ञानेन्द्र कार्कीले सुरुवाती दुई खेल जितेर पनि तेस्रो र चौथो सेट खेलाडी नर्भस भएर खेल्न नसकेको बताए । यता, न्यु डायमण्डका प्रशिक्षक कुमार राईले बलियो एपीएफविरुद्ध उत्कृष्ट कमब्याक गरेपनि ब्लक र अलराउन्डर पोजिसनका खेलाडी खेल्न नसक्दा पराजित भएको बताए । उपाधिसँगै एपिएफले १ लाख ५० हजार प्राप्त ग¥यो । उपविजेता बनेको न्यु डायमण्डले १ लाखमा चित्त बुझायो । तेस्रो भएको पश्चिमाञ्चलले ५० हजार रुपैयाँ प्राप्त ग¥यो । शुक्रबार नै भएको खेलमा विभागीय टोली नेपाल पुलिस क्लबलाई २२–२५, २५–१८ र २२–२५, २६ –२४ र १५–१३ को सेटमा पराजित गर्दै पश्चिमाञ्चलले तेस्रो स्थान हासिल गरेको थियो ।
प्रतियोगितामा एपिएफ क्लबकी सरस्वती चौधरीले सर्वोत्कृष्ट खेलाडी बन्दै १५ हजार नगद रुपैयाँ पुरस्कार प्राप्त गरिन् । त्यस्तै व्यक्तिगत विधागत उत्कृष्ट स्पाइकर न्यु डायमण्डकी प्रतिभा माली, उत्कृष्ट सेटर न्यु डायमण्डकै कृपा अधिकारी, उत्कृष्ट सर्भर एपीएफकी नेविका चौधरी, उत्कृष्ट ब्लकर पुनम चन्द, उत्कृष्ट क्विकर एपीएफकी उषा बिष्ट, उत्कृष्ट लिब्रो सलिना श्रेष्ठ घोषित भईन् । उत्कृष्ट हुनेले जनही तीन तीन हजार रुपैयाँ प्राप्त गरे ।
बिजेता खेलाडीहरुलाई राष्ट्रिय खेलकुद परिषदका सदस्यसचिब केशब कुमार बिष्ट, नेपाल भलिबल संघका अध्यक्ष मनोरन्जन रमण शर्मा, आयोजक शेरबहादुर खड्का स्मृति प्रतिष्ठानका अध्यक्ष रन्जन खड्का लगायतले पुरस्कृत गरेका थिए ।