एजेन्सी – स्पेनिस कोपा डेल रे फुटबलको प्रि–क्वाटरफाइनलको पहिलो लेगमा बार्सिलोना लेभान्टेसँग २–१ ल्े पराजित भएको छ ।
बिहीबार राति भएको खेलमा घरेलु टोली लेभान्टेको जितमा इरिक कावाको र बोर्जा मायोरलले गोल गरे । पराजित टिमका लागि फिलिपे कौटिन्होले एक गोल फर्काए ।
बार्सिलोना खेलको चौथो मिनेटमा नै इरिक कावाकोको गोलबाट पछि परेको थियो । १४औं मिनेटमा रियल मड्रिडबाट लोनमा लेभान्टे पुगेका बोर्जा मायोरलले गोल गरेपछि घरेलु टोलीले बार्सिलोनाविरुद्ध २–० को अग्रता बनायो । मायोरलले इमान्युयल बोएटिङको पासलाई गोलमा परिणत गरेका थिए ।
२ गोलले पछि परेपछि बार्सिलोनाले घरेलु टोलीमाथि दवाव सिर्जना गरेपनि गोलका लागि दोस्रो हाफ नै कुर्नुपरेको थियो । ८५औं मिनेटमा फिलिपे कौटिन्होले पेनाल्टीमार्फ गोल अन्तर घटाएपनि त्यसपछि थप गोल निस्कन नसक्दा बार्सिलोना पराजित हुन पुग्यो ।
दोस्रो लेग १८ जनवरीमा हुदैछ ।


प्रतिक्रिया दिनुहोस्

सम्बन्धित समाचार